అనగనగా ఒక వ్యక్తి అడవిలో తప్పిపోయాడు. అతడిని జింగారో జాతి మనుష్యులు ఎత్తుకెళ్ళారు. అతడిని చెట్టుకు కట్టేసారు. వాళ్ళూ నరమాంస భక్షకులు..ఏడుస్తున్న అతడిని చూసి వాళ్లలో వాళ్ళే మాట్లాడుకుని ఇలా అన్నారు.
"ఓరేయ్! నువ్వు మాకు ఎదైనా ఒక విషయం చెప్పు. అది నిజమైతే నిన్ను ఉడకేసుకు తింటాము. అబద్ధమైతే వేపుడు చేసుకు తింటాము" అని చెప్పారు. అప్పుడు ఆ వ్యక్తి వాళ్ళతో ఏం చెప్పి తప్పించుకున్నాడు.
????????????
ఒక రోజు సాయంత్రం లింగం మావ తన స్నేహితుడితో కలిసి టీ.వీలో వార్తలు చూస్తున్నాడు. అప్పుడు వార్తలలో ఒక వ్యక్తి వాటర్ ట్యాంక్ ఎక్కి చస్తానని బెదిరించే సీను చూపెట్టసాగారు. అప్పుడు స్నేహితుడు " ఆ వ్యక్తి తప్పకుండా దూకేస్తాడు చూడు!" …లింగం మావ మాత్రం " ఏం కాదు. ప్రాణమంటే ఎవడికి మాత్రం ప్రీతి కాదు. అతడు అస్సలు దూకడు ఊరికే బెదిరిస్తున్నాడు. కావాలంటే రెండొందలు పందెం" అన్నాడు. ఒప్పందం కుదిరింది. ఆ వ్యక్తి దూకేసాడు. ఉన్నాడో లేదో హాస్పిటల్‍కి తీసికెళ్ళారు. అప్పుడు లింగం మావ రెండొందలు తీసిచ్చాడు.కాని ఆ స్నేహితుడు తీసుకోలేదు. "వద్దురా అతడు దూకేస్తాడని నాకు తెలుసు. ఉదయం వార్తలలోనే చూసాను. కాని నీతో చెప్పలేదు. సారీ" అన్నాడు. ఆప్పుడు లింగం మావ "నేను కూడా ఆ వార్తను మద్యహ్నమే చూసాను కాని ఆ వ్యక్తి ముందు చేసిన తప్పే మళ్ళీ చేస్తాడా? ఈసారైనా దూకకుండా ఉంటాడేమో అనుకున్నా" అన్నాడు...
అదో కూడలి..అక్కడ ఓ ఇంటి గోడపై కూర్చుని నాలుగు రౌడీ చీమలు వచ్చేపోయే వారిని అల్లరి పెడుతున్నాయి. అంతలో ఒక ఏనుగు అలా రోడ్డుపై వెళుతుంది.
అప్పుడు ఒక చీమ…" నిలువవే వాలు కనుల దానా! వయ్యారి హంస నడక దానా!" అని పాట పాడసాగింది.
ఇంకో చీమ…"మామా! పిల్ల పిట పిట లాడుతుందిరా! ఏం ఫిగర్ రా! 360..240..360.."
రెండు చీమలు బాగా తాగి రోడ్డుపై తూలుకుంటూ వెళుతున్నాయి. ఎదురుగా ఒక ఏనుగు వస్తుంది.
అప్పుడొక చీమ "రారా ! చూసుకుందాం" అంది.
రెండో చీమ "పోనీలే మామా! అది ఒక్కటి. మనమిద్దరం. బావుండదు"..
ఒక చీమ , దోమ ప్రేమించి పెళ్ళి చేసుకున్నాయి. పెద్దలను ఎదిరించాయీ. చివరకు వాళ్ళను ఒప్పించి ఘనంగా పెళ్ళి చేసుకున్నాయి. ఆరోజు వారిద్దరికి మొదటి రాత్రి..
దోమ దిగాలుగా గది బయట కుర్చీలో కూర్చుంది.
అలా వెళ్తున్న దోమ స్నేహితుడు ఈగ "ఏంట్రా! మొదటిరాత్రి అలా దిగాలుగా గది బయట కూర్చున్నావు?"
దోమ " ఆ దొంగ మొహంది. గుడ్‍నైట్ పెట్టుకుని పడుకుంది"….అంది.
తండ్రుల దినోత్సవం సంధర్భంగా చిన్న సమర్పణ…..
పిల్లల పెంపకంపై Spenser Johnson రాసిన బెస్ట్ సెల్లర్ The One Minute Father లోని కొన్ని విషయాలివి.
తండ్రిగా మారిన , మారబోయే ప్రతి వ్యక్తి తెలుసుకోవలసినవి.
1. తండ్రిగా మీ పిల్లల్ని నిరంతరం సంరక్షించదలచుకున్నారా? పిల్లలు తమని తాము
సంరక్షించుకునేలా పెంచదలచుకున్నారా?
2. పిల్లవాడు తమకు అనుగుణంగా ప్రవర్తించడమే క్రమశిక్షణ అని చాలామంది తల్లితండ్రులు
అనుకుంటారు. కాని ఇది తప్పు. మీరు క్రమశిక్షణ అని దేన్ని భావిస్తారో అది తమకు శిక్ష
అని పిల్లవాడు భావిస్తాడు.
3. తమ ప్రవర్తనలో మంచి చెడులను గుర్తించేలా పిల్లల్ని తయారుచేస్తే క్రమశిక్షణ దానంతటదే
అలవడుతుంది.
4. పిల్లల్ని మీరు సంపూర్ణంగా ప్రేమించండి. అప్పుడు మీ నిజమైన కోపాన్ని కూడా వాళ్ళు
అర్ధం చేసుకోగలరు.
5. చాలామంది పిల్లవాళ్ళు తమలా ప్రవర్తించడానికి ఇష్టపడతారు తప్ప తండ్రికి అనుకూలంగా
ఉండేలా కాదు.
6. పిల్లలకు తమకంటూ సొంత లక్ష్యాలుంటాయి. వాటి గురించి ఇతరులతో చెప్పరు. పిల్లల
ఏకాంతాన్ని ఏకాంత ఆలోచనల్ని తండ్రి గౌరవించాలి.
7. ప్రవర్తనే లక్ష్యాలను నిర్దేశిస్తుంది. పరిస్థితులే ప్రవర్తనను తీర్చిదిద్దుతాయి.
8. పిల్లలు మీకు నచ్చేలా ప్రవర్తించినపుడు ప్రశంసించండి.
9. పిల్లల్ని తరచూ దగ్గరకు తీసుకోవటంవల్ల మీ స్పర్శలోని ఆనందాన్ని వాళ్ళు పొందగలుగుతారు.
10. పిల్లల లక్ష్యం విజయం వైపు మళ్ళడానికి తండ్రిగా కృషి చేయండి. విజయమంటే ఏంటో
అర్ధమైతే వాళ్ళే లక్ష్యాలవైపు పరిగెత్తడం నేర్చుకుంటారు.
దోమతో వచ్చావు గున్నలా పెరిగావు
గున్యాలా మారావు
మనుష్యుల్ని నుజ్జు నుజ్జు చేసావు
ఎముకల గుజ్జంతా తిన్నావు.
కాళ్ళు తిన్నావు కీళ్ళు తిన్నావు
మొకాళ్ళు కూడా తిన్నావు
కోడిపేరు పెట్టుకున్నావు
వాటికే మచ్చ తెచ్చావ్ .
జ్వరమంటూ మొదలెట్టి
దవాఖానా కీడుస్తావ్
పిల్లల్ని తల్లుల్ని పెద్దల్ని
నల్లిలా తొలిచేస్తావ్.
వద్దన్నా రావద్దన్నా
మా ఊరికీ, మా వీధికీ, మా ఇంటికీ
ఓ గున్నన్నా, ఓ గన్యన్నా
నీవంటే భయమన్నా
వదిలేయన్నా మమ్మల్ని మా కాళ్ళనీ,కీళ్ళన్నీ
తెలుగు
కుచ్చుటోపి - సచిత్ర వారపత్రిక
