ధనుస్సు

 

(మూల, పూర్వాషాఢ, ఉత్తరాషాఢ 1 వ పాదము)

 

ఆదాయం-8 వ్యయం-5 రాజపూజ్యం-6 అవమానం-1

 

 

ఈ రాశివారికి గురుడు నవంబరు 21 వరకు పన్నెండింట  సువర్ణమూర్తి తదుపరి జన్మమందు

 లోహమూర్తి. జులై 15 వరకు శని, ఎనిమిదింట సువర్ణమూర్తి, తదుపరి తొమ్మిదింట 

లోహమూర్తి. రాహువు మూడింట, కేతువు తొమ్మిదింట తామ్ర మూర్తులు. పదిమందికి

ఉపయోగపడే పనులు చేపట్టడం,నాయకత్వం, దార్శనికత, సత్ప్రవర్తన ఈ రాశివారికి శ్రీరామరక్ష.

 ఈ ఏడాది వీరి గౌరవానికి సిరిసంపదలకు లోటురాదు. ఈ రాశివారికి గురుడు వ్యయంలో

ఉన్నాడు. అయితే మూర్తిమంతం ఫలితంగా చెడుచేయకుండా తటస్థంగా ఉంటాడు. మూడింట

 రాహు సంచారం లాభప్రదం. అయితే శని, కేతువుల సంచారం వల్ల అశాంతికి లోనవుతారు.

ఖర్చులు అధికం పెద్దలనుండి అసౌకర్యం కలుగుతుంది. అయినప్పటికి పట్టుదలతో లక్ష్యాలు

సాధిస్తారు. వృత్తి, ఉద్యోగాల్లో ప్రోత్సాహకరంగా ఉంటుంది. ఆర్ధిక రంగంలో పురోభివృద్ధి సాధిస్తారు

విద్యార్థులకు శుభప్రదం.

 

దీర్ఘకాలిక, భారీ పెట్టుబడుల విషయంలో ఆచితూచి ముందడుగు వేయాలి. ధాన్యం, పరిశ్రమలు,

అపరాల వ్యాపారులకు సంవత్సర ప్రారంభంలో కలిసి వస్తుంది. వ్యవసాయం, షేర్లు, ఉమ్మడి

 వ్యాపారాలకు అంతగా అనుకూలించదు. కాంట్రాక్టులు, షేర్ల లావాదేవీల వారికి లాభదాయకం.

కిరాణా, ఫైనాన్స్ తదితర వ్యాపారులకు 5,7,8,11,12 నెలలు విశేషంగా లాభిస్తాయి. స్వయం

వృత్తిదార్లకు, సినీ నటగాయకులకు, శాస్త్రకోవిదులకు లబ్దికన్నా గుర్తింపు మిన్న. సంఘ సేవకు

సమయం వెచ్చిస్తారు. విద్యార్థులకు ఆటంకాలు ఎదురైనా శ్రమతో సత్ఫలితాలు సాధిస్తారు.

మూల, పూర్వాషాఢవారు పచ్చ, ఉత్తరాషాఢవారు కెంపు ధరించుట మేలు. వీరికి అదృష్ట

సంఖ్యలు 1,2,3,4,5. ఆది, బుధ, గురువారాలు కలిసి వచ్చును ఈ రాశివారికి నిర్మాణములు

భవిష్యత్తులో యోగప్రదములు. శుభకార్యాలలో నిదానం పాటించాలి. సేవారంగంలో రాణిస్తారు.

ఇతరులకు అదర్శంగా నిలుస్తారు.

 

చంద్ర, కుజ, గురు,కేతువులకు శాంతులు, సోమ, మంగళవార  నియమాలు, శివాలయ

సందర్శనం, సాయి శ్రీ విష్ణు సహస్రనామ పారాయణం అత్యంత యోగదాయకం. మంగళ,

గురువారం నియమాలు పాటించడం ద్వారా కుటుంబం నందు ఆరోగ్య సౌఖ్యం వృద్ధి

చెందుతుంది. వ్యవహార నియమం పాటించాలి. శుభ కార్య నిర్వహణలు కలిసి వస్తాయి.

మానసిక శాంతి కలుగుతుంది.